Meta: Nëse Autoriteti i Dosjeve do të kishte moral, do më kishte kallëzuar penalisht!

Kryetari i Partisë së Lirisë, Ilir Meta ka komentuar akuzat e Autoritetit të Dosjeve, pasi është akuzuar se ka qenë pjesë e Sigurimit të Shtetit.

I ftuar në Ora news, Meta tha se akuzat e Autoritetit të Dosjeve janë përralla dhe manipulime.

“Akuzat e Autoritetit te Dosjes, përralla. Të gjitha letrat e autoritetit te dosjeve janë manipulime. Mund të kem pasur një raport shoqëror miqësor me këdo, rasti konkret mashtrim i Edi Ramës, nuk e kam kërkuar unë emërimin e zonjës. Këto janë justifikime të Edi Ramës. Ajo dosje është hapur sepse ka dalë kudo, nuk ka asnjë gjë. Është një trillim i tyre. Nëse do të kishte moral dhe integritet Autoriteti Dosjeve mua më kishte kallëzuar penalisht”, tha Meta.